اسلام آباد: قومی اسمبلی کے اجلاس میں وزیر داخلہ چوہدری نثار نے آرٹیکل دو سو پینتالیس کا بھرپور دفاع کرتے ہوئے کہا کہ کوئی سیاسی مقصد نہیں، کراچی اور پشاور ایئرپورٹس پر بھی فوج تعینات کرنے کا پروگرام ہے۔
آرٹیکل د وسو پینتالیس کے نفاذ پر اپوزیشن نے بھرپور مخالفت کی، تحفظ پاکستان کے کسی ایک بھی اجلاس میں حاضر نہ ہونے والے وزیرداخلہ اپنی ہی پارٹی میں معاملات طے ہوجانے کے بعد آج اسمبلی میں کھل کر بولے اور آرٹیکل دوسوپینتالیس کو بھرپوردفاع کیا۔
،انہوں نےکہا کہ سابقہ اداروں میں فوج کو سیاسی مقاصد کیلئے استعمال کیا گیا لیکن اس بار فوج صرف دہشتگردی سے نمٹنے کیلئے بلائی گئی چوہدری نثار نے کہا کہ سیاسی رہنماؤں کو منی مارشل لاء جیسے بیانات سے گریز کرنا چاہئے، فوج کو قانونی کور دینے کیلئے آرٹیکل دو سو پینتالیس کا نفاذ ضروری ہے۔
وزیرداخلہ نے کہا کہ پاک فوج راولپنڈی، فیصل آباد ایئرپورٹ کی حفاظت کررہی ہے، کراچی اور پشاورایئرپورٹ پر بھی فوج تعینات کرنے کا پروگرام ہے، ان کا کہنا تھا کہ تنقید اپنی جگہ لیکن حقائق کو پس پشت ڈالنا غلط ہے۔
