ایڈیلیڈ: پاکستان کرکٹ ٹیم کےکپتان مصباح الحق کا کہنا ہے کہ وہ ورلڈ کپ جیتنے کیلئے آئے ہیں اور اس کے لئے آسٹریلیا سمیت سب کو ہرانا ہوگا۔
ایڈیلیڈ میں نیوز کانفرنس کرتے ہوئے مصباح الحق نے کہا کہ آسٹریلیا فیورٹ ہے لیکن فیورٹ ہمیشہ نہیں جیتے، آسٹریلیا سے میچ اہم ہے، کوئی دباؤ نہیں، جیت کے لئے میدان میں اتریں گے۔
مصباح الحق نے کہا کہ پاکستان کی بولنگ اتنی مضبوط ہے کہ وہ کینگروز کو پچھاڑ سکتے ہیں۔
دوسری جانب آسٹریلوی کپتان مائیکل کلارک نے پاکستان کو سخت حریف قرار دے دیا۔
مائیکل کلارک کا کہنا ہے کہ پاکستان سے میچ فائنل سمجھ کر کھیلیں گے، بہترین کھیل پیش کرکے ہی سیمی فائنل میں پہنچا جاسکتا ہے، انکا مزید کہنا تھا کہ مائیکل کلارک نے کہا کہ دونوں ٹیموں کا پیس اٹیک مضبوط ہے، ایڈیلیڈ کے میدان میں اصل امتحان بولرز کا ہوگا۔
