لندن:ایمنسٹی انٹرنیشنل نے کہا ہے کہ اے آر وائی نیوز کے لائسنس کی معطلی پاکستان میں آزادی اظہارکو پابند کرنے کی کوششوں کے مترادف ہے۔
ایمنسٹی انٹر نیشنل نے کہاہے کہ پاکستان میں اے آ ر وائی کے لائسنس کی معطلی سیاسی فیصلہ ہے جو اظہار کی آزادی کےحق کی نفی ہے،ایمنسٹی انٹر نیشنل نے مطالبہ کیا ہے کہ اے آر وائی نیوز کو فوری طور پر بحال کیا جائے،پاکستانی حکام کے پاس اے آر وائی کو بند کرنے کا سیاسی وجوہ کے سوا کوئی جواز نہیں ہے۔
ایمنسٹی انٹر نیشنل نے کہا ہے کہ پاکستان میں صحافتی آزادی پرپہلے ہی کئی سوالیہ نشان موجود ہیں،پاکستان میں صحافیوں کو تحفظ حاصل نہیں ہے اورانہیں مختلف خطرات کا سامنا ہے۔
