کوئٹہ میں انسداددہشتگردی کی خصوصی عدالت نے نواب بگٹی قتل کے مقدمے میں سابق صدر پرویز مشرف سمیت دیگر ملزمان کو تین فروری کو عدالت میں پیش ہونے کا حکم دیدیا ہے۔،
انسداد دہشتگردی کی خصوصی عدالت کے جج طارق انور کاسی نے مقدمے کی سماعت کی ، سابق صدر پرویز مشرف آرٹیکل چھ کے مقدمے میں اسلام آباد میں پیش ہونے کی وجہ سے عدالت میں پیش نہ ہوسکے جبکہ سابق وفاقی وزیر داخلہ آفتاب احمد شیر پاؤ اور سابق صوبائی وزیر داخلہ شعیب نوشیروانی عدالت میں پیش ہوئے۔
عدالت نے آفتاب احمد شیرپاؤ اور شعیب نوشیروانی کی عبوری ضمانت کی درخواست پر بحث تین فروری کو کرانے اور سابق صدر مشرف اور ان کے ضمانتی سمیت دیگر نامزد ملزمان کو آئندہ پیشی میں عدالت میں پیش ہونے کا حکم دیتے ہوئے سماعت ملتوی کردی۔
