واشنگٹن : ترکی نے امریکا کو داعش کے خلاف فوجی اڈے استعمال کرنے کی اجازت دے دی، امریکا نے ترکی کے فیصلے کا خیرمقدم کیا ہے۔
امریکا کی قومی سلامتی کی مشیر سوزن رائس نے بتایا کہ عراق اور شام میں دولتِ اسلامیہ کے خلاف لڑنے کے لیے ترکی اتحادی فورسزکو فوجی اڈے فراہم کرے گا۔
امریکا عراق اور شام میں داعش کے خلاف فضائی حملے کر رہا ہے، داعش کے جنگجوؤں نے گذشتہ مہینوں کے دوران عراق اور شام کے بہت سےعلاقوں پر قبضہ کر لیا ہے۔
