اسلام آباد: جے یو آئی کے سربراہ مولانا فضل الرحمان نے کہا ہے کہ جوڈیشل کمیشن پاکستان تحریک انصاف کو پارلیمنٹ میں لانے کی کوشش ہے گائے کی دم پکڑنے کی بجائے گائے نے خود دم پکڑا دی ۔
مولانافضل الرحمان نے چین کےدورے سے واپسی پر میڈیا سے گفتگو میں کہا کہ چین پاکستان میں بے پناہ سرمایہ کاری کرنا چاہتا ہے۔
انہوں نے کہا کہ چین ماسکو سے فن لینڈ تک اوروسط ایشیا ء سے فرانس تک رسائی چاہتا ہے پاک چین اقتصادی راہداری چین کی ترجیحات ہے۔
تحریک انصاف کی اسمبلی میں واپسی پرفضل الرحمان نے کہا کہ ان کاکسی سےجھگڑانہیں لیکن خیبرپختونخوا میں بھی دھاندلی ہوئی۔
مولانافضل الرحمان دھاندلی کےمعاملےپرپی ٹی آئی کےمطالبات ماننےکےخلاف تھےانہوں نے کہا کہ جوڈیشل کمیشن پروزیراعظم سے بات کریں گے۔
