فیصل آباد: جی ایچ کیو کے دو ملزمان عقیل عرف ڈاکٹر عثمان اور ارشد محمود کو پھانسی دے دی گئی۔
آرمی چیف جنرل راحیل شریف کے دستخط شدہ چھ دہشتگردوں کے ڈیتھ وارنٹ فیصل آباد جیل حکام کو موصول ہوئے تھے، تاہم جی ایچ کیو حملہ کیس کے مرکزی ملزم عقیل عرف ڈاکٹر عثمان اور ارشد محمود کو پھانسی دے دی گئی ہے، ڈاکٹرز نے دونوں ملزمان کےموت کی تصدیق کردی ہے۔
دونوں مجرموں کو پاک فوج کی بکتر گاڑیوں میں سخت سیکورٹی میں لایا گیا تھا ۔ سزائے موت کے قیدیوں کی منتقلی کے بعد ڈسٹرکٹ جیل کے اردگرد کے تمام راستے بند کر دیئے تھے۔
سزائے موت پانے والاڈاکٹرعثمان سابق سپاہی تھااورجی ایچ کیو پر حملے کا ماسٹرمائنڈتھا، وہ سری لنکن ٹیم سمیت کئی دہشگرد حملوں میں بھی ملوث تھا۔
واضح رہے ڈاکٹر عثمان سابق صدرپرویزمشرف، جی ایچ کیو اور سری لنکن کرکٹ ٹیم پر حملوں سمیت کئی مقدمات میں ملوث تھا، راولپنڈی کی تحصیل کہوٹہ سے تعلق رکھنے والا محمد عقیل عرف ڈاکٹر عثمان آرمی میڈیکل اسٹور کا سابق سپاہی تھا ۔ فوج کا تیس سالہ سابق ملازم پنجاب میں فرقہ وارانہ تنظیموں کا تربیت یافتہ تھا۔جو لاہور میں سری لنکاکی کرکٹ ٹیم پر حملے کا منصوبہ ساز اور حملہ آورگروہ کا سرغنہ تھا۔
