کراچی :شہر قائد نے تاجروں اور صنعتکاروں نے وفاقی بجٹ پر ملے جلے رد عمل اور تحفظات کا اظہار کیا ہے۔
میڈیا سے گفتگو کرتے ہوئے سراج قاسم تیلی کاکہنا تھا کہ ٹیکس چھوٹ اور ایس آر او کلچر کا خاتمہ اچھا اقدام ہے ،تاہم بجٹ اقدامات سے عام آدمی عام متاثر ہوگا۔
حکومت نے عام آدمی کو ریلیف نہیں دیا،انہوں نے کہا کہ 250 ارب روپے سیلز ٹیکس بڑھانے سے عام آدمی براہ راست متاثر ہوگا۔
زبیر موتی والا کاکہنا تھا کہ کے پی کے کی طرح کراچی کو بھی مراعات دی جائیں،یہاں بھی کے پی کے کی طرح حالات ہیں۔
انہوں نے کہا کہ ڈاکیومنٹیڈ اکانومی کرنے کیلئے بجٹ میں کوئی اقدامات نظر نہیں آئے ، ہارون اگر کاکہنا تھا کہ بجٹ نہ عوام دوست ہے اور نہ تاجر دوست ،نان ٹیکس پیئر کو ٹیکس نیٹ میں لانے کیلئے کوئی اقدام نہیں کیا گیا۔
شعیب سمیع کاکہنا تھا کہ وفاقی بجٹ میں سیلز ٹیکس کی شرح 17فیصد سے بڑھاکر دوسری راستے سے 20 فیصد تک کردی گئی ہے۔
