کراچی: شہر قائد کے علاقے کھارادار میں پولیس کی گولی سے زخمی ہونے والے ملزم کی شناخت ڈکیتی فوٹیج سے ہو گئی۔
کراچی کے علاقے کھارادر میں پولیس مقابلے کے بعد زخمی حالت میں گرفتار ملزم کو ایک دکان میں واردات کی سی سی ٹی وی فوٹیج کی مدد سے شناخت کر لیا گیا۔
گرفتار ملزم کی شناخت نعیم اللہ کے نام سے ہوئی ہے، ملزم ساؤتھ زون میں متعدد دکانوں میں ڈکیتی وارداتوں میں ملوث اور عادی جرائم پیشہ ہے، ملزم کو ایک دکان میں واردات کی سی سی ٹی وی فوٹیج کی مدد سے بھی شناخت کیا گیا۔
پولیس حکام کا کہنا ہے کہ نعیم اللہ نے دوران تفتیش متعدد وارداتوں کا اعتراف کیا ہے، ملزم کا سابق کریمنل ریکارڈ بھی موجود ہے، اور اس کے خلاف پریڈی اور سولجر بازار تھانوں میں متعدد مقدمات درج ہیں۔
گرفتاری کے وقت ملزم کے قبضے سے نائن ایم ایم پستول اور گولیاں برآمد کی گئیں، ملزم کے خلاف ایک اور مقدمہ درج کر کے مزید تحقیقات شروع کر دی گئی ہے۔
