اسلام آباد: حکومت نے سابق صدر پرویز مشرف کا معاملہ نمٹانےکا فیصلہ کرلیا ہے۔
حکومت پرویز مشرف کا معاملہ نمٹانے کے لیے تیار ہوگئی ہے، جس پر عمل درآمد کیلئے پارٹی میں مشاورت کے بعد حکمت عملی طے کرلی گئی ہے۔
ذرائع کا کہنا ہے کہ حکمران جماعت کی جانب سے قیادت پر دباؤ تھا کہ پرویز مشرف کا معاملہ نمٹا دیا جائے ، پرویز مشرف کے بیرون ملک جانے کے معاملے پر حکومت نے متعلقہ اسٹیک ہولڈرز کو اعتماد میں لینے کی کوششیں تیز کر دی ہیں۔
