اسلام آباد: پی ٹی آئی کا مطالبہ اورحکومت کا موقف اپنی جگہ لیکن الیکشن کمیشن نے صاف صاف بتا دیا ہے کہ حکومت چاہے بھی توچار حلقےنہیں کھل سکتے۔
چارحلقے کھولنے سے شروع ہونے والے مطالبے نے پی ٹی آئی کو بظاہر پوائنٹ آف نوریٹرن پر پہنچادیا، سیاسی محاذ آرائی ڈواینڈ ڈائی کی نہج پر پہنچی توالیکشن کمیشن نے بتایا حکومت چاہے بھی تو تحریک انصاف کے مطالبے پر چار حلقہ نہیں کھل سکتے۔
الیکشن کمیشن کا کہنا ہے کہ کمیشن یہ حلقے نہیں کھول سکتا، صورت صرف ایک ہے کہ انتخابی ٹریبونل حکم دے تو یہ حلقے کھولے جاسکتے ہیں، الیکشن کمیشن نے واضح کیا کہ آئین کے آرٹیکل دو سو پچیس کے تحت انتخابی پٹیشن کی سماعت ٹریبونل ہی کرسکتا ہے۔
