اسلام آباد: وفاقی حکومت نےانتخابی دھاندلی پرتین رکنی عدالتی کمیشن کے قیام کیلئے سپریم کورٹ کو خط لکھ دیا۔
وزارت قانون کی جانب سے لکھا گیا خط سپریم کورٹ کو موصول ہوگیا جس میں کہا گیا ہے کہ چیف جسٹس تحقیقاتی کمیشن کے قیام کیلئے تین ججز کے نام دیں اور سربراہ کا بھی تعین کریں،خط کے متن کے مطابق تحقیقاتی کمیشن کو تین ماہ میں تحقیقات مکمل کرکے رپورٹ دینا ہوگی،خط میں کمیشن کے رجسٹرار کے تعین کی بھی استدعا کی گئی ہے، وزیراعظم نواز شریف نے چیئرمین تحریک انصاف عمران خان کی جانب سے انتخابات میں دھاندلی کے الزامات کی تحقیقات کیلئے گذشتہ روز قوم سے خطاب میں سپریم کورٹ کے ججز پر مشتمل تحقیقاتی کمیشن بنانے کا اعلان کیا تھا۔