کراچی: پولیس نے دو ڈاکٹروں ، چار پولیس اہلکاروں اور دو بھائیوں کےقاتل ٹارگٹ کلرکو گرفتارکرلیا۔
ایس اسی پی وسطی نعمان صدیقی کے مطابق سینٹرل پولیس نےا یک کارروائی میں ٹارگٹ کلرعبید الرحمٰن کو گرفتارکیا ہے۔
پولیس کے مطابق ملزم عبیدالرحمان، چارپولیس اہلکاروں، دو سگے بھائیوں،دو ڈاکٹرز اورایک مکینک کےقتل میں ملوث ہے،ملزم نے دوران تفتیش اپنے ساتھیوں کے نام ذیشان ، معراج ، صفیان، اور زبیر بتائے ہیں جن کی گرفتاری کےلیے چھاپے مارے جارہے ہیں۔
دیگر کارروائیوں میں پولیس نے ڈیفنس سوسائٹی میں مقابلے کے دوران ڈکیت پولیس اہلکار فرحت محمود کو ساتھی سمیت گرفتار کرلیا۔
بوٹ بیسن سے تین،زمان ٹاؤن میں رینجرز افسر ظاہر کرکے شہریوں کو لوٹنے والے چارملزمان جوہرآباد میں ایک کار لفٹر سمیت 16 ملزمان گرفتار کرلیا گیا، سہراب گوٹھ پولیس مقابلے میں ایک ملزم مارا گیا۔
