خیبر پختونخواہ: الیکشن کمیشن نے خیبر پختونخواہ میں بلدیاتی انتخابات کیلئے انتخابی فہرستیں اپ ڈیٹ کرنے کا فیصلہ کیا ہے۔

الیکشن کمیشن نے نادرا حکام کے ساتھ اجلاس میں انتخابی فہرستوں کا جائزہ لیا جبکہ اجلاس میں چیئرمین نادرا نے بھی شرکت کی، الیکشن کمیشن کی جانب سے بتایا گیا ہے کہ خیبرپختونخواہ میں اس وقت ایک کروڑ بائیس لاکھ رجسٹرڈ ووٹرز ہیں۔

الیکشن کمیشن نے کہا کہ صوبے میں سات اعشاریہ آٹھ ملین شناختی کارڈ رکھنے والے افراد موجود ہیں، بلدیاتی انتخابات سے قبل ان افراد کو بھی انتخابی فہرستوں میں شامل کیا جائے گا، صوبائی حکام اور نادرا کے ا شتراک سے جلد اس پر کام شروع کر ے گا۔

ملک میں اس وقت آٹھ کروڑ 63 لاکھ رجسٹر ڈ ووٹرز ہیں جبکہ 78 لاکھ لوگوں نے نئی شناختی کارڈ حاصل کئے ہیں، ان لوگوں کو بھی انتخابی فہرستوں میں شامل کرنے کا فیصلہ کیا گیا ہے، جس کے بعد انتخابی فہرستوں میں رجسٹرڈ ووٹرز کی تعداد نو کروڑ چالیس لاکھ تک پہنچ جائے گی۔