دبئی: دبئی :عزیر بلوچ کو آج ایف آئی اے کی ٹیم کے حوالے کیے جانے کا امکان ہے۔
گزشتہ عزیر بلوچ کی پاکستان حوالگی ایک دن اور تاخیر کا شکار ہوگئی تھی، کاغذات نامکمل ہونے کے باعث ملزم کو آج پاکستانی حکام کی تحویل میں دیا جائے گا۔
دبئی سے عزیر بلوچ کو پاکستان لانا پاکستانی حکام کیلئے درد سر بن گیا، کالعدم پیپلزامن کمیٹی کے سربراہ اور لیاری گینگ وار کے اہم کردار کی پاکستان حوالگی ایک روز اور تاخیر کا شکار ہوگئی تھی۔
سرکاری ذرائع کے مطابق عزیر بلوچ کی حوالگی سے متعلق کاغذات مکمل نہیں، جس کے باعث ملزم کو آج پاکستانی حکام کی تحویل میں دیا جائےگا۔
ڈی جی ایف آئی اے کے مطابق عزیر بلوچ کی واپسی میں اب کوئی رکاوٹ نہیں، عزیر بلوچ کو دبئی جیل سے دبئی پولیس ہیڈکوارٹرز منتقل کردیا گیا ہے، جہاں سے انہیں پاکستانی حکام کے حوالے کیا جائے گا۔
یاد رہے کہ کالعدم امن کمیٹی کا سربراہ اورلیاری گینگ وار کا اہم ملزم عذیر بلوچ دبئی ایئرپورٹ پر پکڑا گیا تھا ، ذرائع کے مطابق عزیر بلوچ مسقط سے دبئی پہنچا تھا، جہاں انٹرپول کے حکام نے گرفتار کرلیا۔
حکام کے مطابق عذیر بلوچ کے پاس پاکستان کے علاوہ ایران کا پاسپورٹ بھی موجود ہے، عزیر بلوچ یو اے ای کے ویزے پر سفر کر رہے تھے۔
حکومتِ سندھ اور رینجرز حکام کی سفارش پر انٹرپول نے عزیر بلوچ کے ریڈوارنٹ جاری کر رکھے تھے، صوبائی حکومت کی جانب سےعزیر بلوچ کی سر کی قیمت بھی مقرر کی گئی تھی۔
