چار سدہ : ملک بھر میں دہشت گردوں کے خلاف سیکیورٹی فورسز کا کریک ڈاؤن تسلسل کے ساتھ جارہی ہے، تازہ کارروائیوں میں چھتیس مشتبہ افراد کو حراست میں لے لیا گیا ہے۔
دہشتگردوں کی سرکوبی کیلئے سیکیورٹی فورسز پُرعزم ہیں، پاک سر زمین سے دہشت گردوں کے وجود کو ہر صورت ختم کرنے کیلئے کمر بستہ ہیں، چار سدہ کے علاقے شبقدر میں سیکیورٹی فورسزنے سرچ آپریشن کے دوران بیس مشتبہ افراد کو حراست میں لے لیا ہے۔
گرفتار ملزمان کے قبضے سے اسلحہ بھی ملا، ایبٹ آباد کے علاقے میر پور میں مشکوک افراد کی موجودگی کی اطلاع پر پولیس نے کارروائی کی، ڈی پی او محمد علی گنڈا پور کے مطابق چودہ افراد کو گرفتار کیا گیا، حراست میں لئے جانے والوں میں چھ مشتبہ افراد بھی شامل ہیں۔
