روم: عالمی نمبر دو سوئٹزرلینڈ کے راجر فیڈرر نے اٹلی اوپن ٹینس ٹورنامنٹ کا فاتحانہ آغاز کردیا۔
روم میں جاری ٹورنامنٹ میں ریکارڈ گرینڈ سلم ونر سوئٹزرلینڈ کے راجر فیڈرر کو پہلے راؤنڈ میں یوراگوئے کے پیبلو یوواس کے خلاف مزاحمت کا سامنا رہا، فیڈرر نے پہلا سیٹ ٹائی بریک پر سات چھ سے جیت کر برتری حاصل کی۔
دوسرے سیٹ میں سوئس کھلاڑی نے غیر معمولی کھیل پیش کیا اور حریف کھلاڑی کو کم بیک کا کوئی موقع نہیں دیا، فیڈرر نے دوسرا سیٹ چھ چار سے اپنے نام کرتے ہوئے ٹورنامنٹ کے اگلے راؤنڈ کے لئے کوالیفائی کرلیا۔
