کراچی:ولیکا چورنگی پرواقع فیکٹری میں بڑے پیمانے پرآگ بھڑک اٹھی ہے، فائربریگیڈ نے موقع پر پہنچ کرآگ بجھانے کا عمل شروع کردیا ہے۔
تفصیلات کے مطابق کراچی کے صنعتی علاقے ولیکا چورنگی پرواقع گارمنٹ فیکٹری میں آگ بھڑک اٹھی جس میں اب تک 5خواتین سمیت 9افراد کے جھلس کرزخمی ہونے کی اطلاع ہے جنہیں اسپتال منتقل کیا جارہا ہے۔
جائے وقوعہ پرفائربریگیڈ کی 11 گاڑیاں پہنچ کرآگ بجانے کی کوشش میں مصروف ہیں۔
- Advertisement -
پولیس اوررینجرز بھی جائے وقوعہ پر پہنچ چکے ہیں فیکٹری ملازمین کو باہر نکالاجاچکا ہے اور فیکٹری میں تلاشی کا عمل بھی جاری ہے کہ کہیں کسی گوشے میں کوئی ملازم پھنسا نہ رہ گیا ہو۔
ذرائع کے مطابق آگ انتہائی شدید نوعیت کی ہے اور دھویں کے بادل دوردورتک دیکھے جاسکتے ہیں۔
