کراچی :سال 2014 کا آخری سورج گرہن آج ہوگا ، جو پاکستان میں نہیں دیکھا جا سکے گا۔
سپارکو کے جنرل منیجر غلام مرتضیٰ کے مطابق پاکستان میں 23 اور 24 اکتوبر کی درمیانی شب جزوی سورج گرہن ہوگا، پاکستانی وقت کے مطابق سورج گرہن کا آغاز رات 12 بجکر 38 منٹ پر ہوگا اور اس کااختتام صبح 4 بجکر 52 منٹ پر ہوگا۔
جزوی سورج گرہن پاکستان میں نہیں دیکھا جاسکے گا، تاہم امریکا اور کینیڈا کے شہری سورج گرہن کا نظارہ کرسکیں گے، یہ اس سال کا دوسرا اور آخری سورج گرہن ہوگا۔
