ہوبارٹ: سری لنکا کے کمار سنگارا نے ون ڈے میں نیا ریکارڈ قائم کردیا، سنگاکارا ورلڈ کپ میں لگاتار چار سینچری بنانے والے دنیا کے پہلے کھلاڑی بن گئے۔
کمار سنگارا نے دوہزار پندرہ ورلڈ کپ یادگار بنالیا، سنگاکارا رنز کی مشین بن گئے، حریف بولرز کے لئے سنگاکارا کو روکنا مشکل ہوگیا۔ اسکاٹ لینڈ کے خلاف ہوبارٹ میں سنگاکارا نے نئی تاریخ رقم کردی۔
سنگاکارا ورلڈ کپ میں مسلسل چار سینچری بنانے والے دنیا کے پہلے کھلاڑی بن گئے۔
- Advertisement -
سنگاکارا نے چھیاسی گیندوں پر نو چوکوں اور تین چھکوں کی مدد سے اسکاٹ لینڈ کے خلاف سینچری مکمل کی، سینتیس سالہ کھلاڑی نے بنگلہ دیش، آسٹریلیا اور انگلینڈ کے خلاف بھی سینچری بنائی۔
سنگاکارا ویسٹ انڈیز کے ویوون رچرڈز اور ڈیسمنڈ ہنز کے بعد آسٹریلیا میں دوہزار رنز مکمل کرنے والے دنیا کے تیسرے کھلاڑی بھی بن گئے۔
