اسلام آباد: نواز شریف نے کہا ہے کہ پارلیمان کی قرارداد حکومتی پالیسی کے مطابق ہے،سعودی عرب کوخطرہ ہوا تو پاکستان بھرپور دفاع کرےگا۔
وزیراعظم میاں محمد نواز شریف نے یمن کی صورتحال پر مشاورتی اجلاس کے بعد اہم پالیسی بیان کرتے ہوئے کہا کہ خلیجی ریاستوں کے ساتھ ہیں، اسٹریٹیجک پارٹنرزکوتنہانہیں چھوڑیں گے۔
وزیراعظم نے کہا ہے کہ یمن پر پاکستان کی پالیسی اصولوں پر مبنی ہے اور یہ معاملہ مذاکرات کے ذریعے حل کر نے کے خواہاں ہیں اور یمن میں صدر منصور ہادی کی حکومت کی بحالی چاہتے ہیں۔
- Advertisement -
ان کا کہنا تھا کہ یمن کی صورتحال کے حوالے سے میڈیا میں کچھ غلط خبریں چلائی جارہی ہیں، ہم سعودی بھائیوں کویقین دلاتے ہیں کہ سعودی عرب کی خود مختاری اور حرمین شریفین کو خطرے کی صورت میں پاکستان سعودی عرب کے ساتھ کندھے سے کندھا ملا کر چلے گا۔
