لاہور: پاکستانی آف اسپنر سعید اجمل نے نئے ایکشن کے ساتھ بولنگ کروانا شروع کردی ہے۔
بولنگ ایکشن درست کرنے کے لئے سعید اجمل نے قذافی سٹیڈیم میں پریکٹس شروع کر دی ہے۔ ٹیسٹ سیریز کے لئے ٹیم میں واپسی کے بعد محمد حفیظ بھی قذافی سٹیڈیم پہنچ گئے، حفیظ نے سعید اجمل کے ساتھ بیٹنگ سیشن میں حصہ لیا۔
نیشنل کرکٹ اکیڈمی کے ہیڈ کوچ محمد اکرم، ثقلین مشتاق اور مشتاق احمد نے سعید اجمل کی بولنگ اور محمد حفیظ کی بیٹنگ کا جائزہ لیا۔
- Advertisement -
ترجمان پی سی بی کے مطابق پی سی بی کا ڈاکٹرز پینل محمد حفیظ کی فٹنس کا آج جائزہ لے کر اپنی رپورٹ مرتب کرے گا جبکہ سعید اجمل کو بائیو مکینک ٹیسٹ کے لئے نومبر کے پہلے ہفتے میں انہیں انگلینڈ بھیجا جائے گا۔
