سندھ : میٹرک بورڈ کے امتحانات میں طالبعلموں کی کھلم کھلا نقل سے تعلیمی اداروں کی کارکردگی کھل کر سامنے آگئی۔
سندھ میں میٹرک بورڈ کے امتحانات جاری ہے، لاڑکانہ میں نقل کے لئے اتنی آزادی ہے کہ عقل استعمال کرنے کی بھی ضرورت نہیں پڑی، کھلم کھلا کتابیں سامنے رکھ کر نقل کی جارہی ہے، کیمرہ دیکھ کر ہونہارطلبا ذرا نہ شرمائے اور تو اور نقل کیلئے موبائل فون کا بھی بھرپوراستعمال ہورہا ہے۔
جیکب آباد میں پرچے آَئوٹ ہونا نئی بات نہیں اور نقل کیلئے بھی سازگار ماحول ہے، فوٹواسٹیٹ مشین پر پابندی ہے مگر پرچےآئوٹ ہونے پرنہیں۔
سکھر بورڈ کے زیرِ اہتمام نو یں اور دسویں جماعت کے سالانہ امتحانات میں دفعہ ایک سو چوالیس کے نفاذ کے باوجود نقل کھل عام جاری ہے آج فزکس کے پرچہ میں بھی طالب علم نقل کرکے پر چہ حل کر تے دکھائی دیئے،اساتذہ اور چھا پہ مار ٹیمیں بھی بوٹی مافیا کو نہ روک سکیں۔
دسویں جماعت کے فزکس کے پیپر میں نقل بڑے زور وشور کے ساتھ جا ری ہے، طالب علم بڑی بے خوفی کے ساتھ نقل کرکے امتحانات دے رہے ہیں جبکہ نقل کی روک تھام کے لئے دفعہ ایک سو چوالیس کا نفاذ کرکے فوٹو اسٹیٹ شاپس کو امتحانی اوقات میں بند ہیں لیکن پھر بھی بوٹی مافیا سر گرم ہے۔
