کراچی : سندھ کےآئندہ مالی سال کےلئےسات کھرب چالیس ارب روپے مالیت کا بجٹ آج پیش کیا جائے گا۔ بجٹ کے اعدادو شمار اے آر وائی نیوز نے حاصل کرلئے۔
تفصیلات کے مطابق سندھ میں سائیں سرکارکامسلسل آٹھواں بجٹ آج پیش کیا جائے گا۔ سات کھرب بیالیس ارب کے بجٹ میں ترقیاتی کاموں کیلئے ایک سو بیالیس ارب روپےرکھے گئے ہیں۔
کراچی کے شہریوں کیلئے اچھی خبر یہ ہے کہ سائیں سرکار نے پانی کی فراہمی کیلئے دو ارب پچاس کروڑ روپے مختص کئے ہیں۔ ایک ارب روپے نکاسی آب کا نظام بہتر بنانے کیلئے ہیں۔
روشنیوں کے شہر میں تین نئی بس سروس شروع کرنےکیلئےتین ارب روپےبجٹ میں شامل ہیں۔سرکاری ملازمین کی تنخواہوں میں دس فیصد اضافے کی تجویز دی گئی ہے۔
بجٹ میں صحت کےلئےچھیاسٹھ ارب روپےمختص کئےجانےکاامکان ہے۔ سائیں سرکار نےبجٹ میں تعلیم کیلئے ایک سو پچاس ارب سے زائد کی رقم رکھی ہےجس کی مدد سےسندھ بھرمیں نئےاسکول بھی تعمیرکئےجائیں گے۔
صوبےمیں نئےجیلوں کی تعمیر کیلئے بھی رقم رکھی گئی ہے۔صوبے کی سیکیورٹی اور امن و امان کیلئےبجٹ میں باسٹھ ارب روپےمختص کئے گئے ہیں۔
