کراچی : سانحہ سی ویو کے ذمے داروں کا تعین کرنے کے لئے سندھ ہائی کورٹ میں پٹیشن دائر کردی گئی ہے۔
سانحہ سی ویو میں قیمتی انسانی جانوں کے ضائع ہونے کا نوٹس لینے کے لئے سندھ ہائی کورٹ میں درخواست دائرکر دی گئی ہے، درخواست میں متعلقہ اداروں کے ذمہ داران کے خلاف کاروائی کرنے کی استدعا کی گئی ہے۔
درخواست سندھ ہائیکورٹ میں جسٹس ہیلپ لائن کے تحت دائر کی گئی ہے، درخواست گزار نے موقف اختیار کیا کہ چالیس قیمتی جانیں بھپرے سمندر کی نذر ہوگئیں لیکن حکومتی ادارے ناکام رہے، نا کوئی وارننگ جاری ہوئی اور نہ ہی بعد میں ڈوبنے والے افراد کو بچانے کیلئے فوری اقدامات کئےگئے۔
- Advertisement -
درخواست میں متاثرین کی مالی امداد کیلئےحکومت کو ہدایت کرنے کی استدعا بھی کی گئی۔
