سکھر: اے آر وائی ڈجیٹل نیٹ ورک کے مقبول ترین پروگرام جیتو پاکستان کے جعلی ٹکٹ فروخت کر نے والا نوسر باز گروہ پرانہ سکھر سے اے آر وائی نیوز سکھر کی ٹیم کی نشاندہی پر پولیس نے گرفتارکر لیا ہے۔
مذکورہ گروہ معصوم لوگوں کو جیتو پاکستان کے پروگرام میں جانے کے جعلی ٹکٹ فروخت کر رہا تھا اور زیادہ ٹکٹ خریدنے پر انکو مختلف انعامات بھی موقع پر دیئے جاتے تھے۔
سکھر کے شہریوں کی شکایت پر اے آر وائی نیوز سکھر کی ٹیم نے تحقیقات کر نے کے بعد پولیس کی مدد سے ان نو سر بازووں کے گروپ کو گرفتار کروا لیا ہے ان کے خلاف قانون کے مطابق کاروائی کی جائے گی۔
اے آر وائی ڈیجیٹل نیٹ ورک کی انتظامیہ نے واضح کیا ہے کہ جیتو پاکستان کے پروگرام کی ٹکٹ فروخت نہیں ہوتیں بلکے اس پراگرام میں شرکت نے کے صرف دو طریقے ہیں۔
جن میں سہولت بازار سے خریداری اورکال سنٹر پر کال کر نے کی صورت میں خوش نصیب افراد کے نام قرا اندازی میں نلتے ہیں جن کو اے آر وائی کی ٹیم خود کال کر کے اس پروگرا م میں مدعو کر تی ہے لہٰذا کسی بھی قسم کے دھوکے بازوں اور نو سربازوں سے ٹکٹ یا پاس خریدنے سے عوام اجتناب کرے۔
