نیویارک : اقوام متحدہ نے تصدیق کی ہے کہ شامی باغیوں نے اغواء کئےگئے 45امن فوجیوں کو آزاد کر دیا ہے۔
اقوام متحدہ کے ترجمان کا کہنا ہے کہ شامی باغیوں نے دو ہفتے قبل اقوام متحدہ کے اغواء کیے گئے پینتالیس امن فوجیوں کو رہا کر دیا ہے، ترجمان کے مطابق رہائی کے بعد امن فوجی اسرائیل پہنچ گئے ہیں۔
میڈیا رپورٹس کے مطابق اقوام متحدہ کے امن اہلکاروں کو مذاکرات کے بعد رہا کیا گیا ہے، فجی سے تعلق رکھنے والے اقوام متحدہ کےا من فوجیوں کو شام اور اسرائیل کی سرحد پر واقع گولان کی پہاڑی علاقے سے اغواء کیا گیا تھا۔
