اسلام آباد : وفاقی وزیر دفاع خواجہ محمد آصف کا کہنا ہے کالعدم تنظیم ٹی ٹی پی پاکستان میں بھارت کی پراکسی جنگ لڑ رہی ہے۔
وفاقی وزیر خواجہ آصف کا کہنا ہے پاکستانی فوج دشمن کی طرح طالبان سے لڑ رہی ہے،طالبان بھارت کے لئے پاکستان میں دہشت گردی کررہے ہیں.
ان کا کہنا تھا کہ پاکستان میں بھارتی انٹیلی جنس اور دہشت گردوں کا گٹھ جوڑ ہے ،بلوچستان کی شورش میں بھی بھارت ملوث ہے۔
ان کا کہنا تھا پاک فوج نے دہشت گردوں کے خلاف جس دن سے آپریشن ضرب عضب شروع کیا ہے اس دن سے بھارتی ایجنٹوں کا گٹھ جوڑ اور واضح ہوگیا ہے۔
