اسلام آباد : پاکستان تحریک انصاف کے سربراہ عمران خان کا ہیلی کاپٹر حادثے سے بال بال بچ گیا، کریش لینڈنگ کرنا پڑی۔

تفصیلات کے مطابق چیئرمین پی ٹی آئی عمران خان اپنی اہلیہ ریحام خان اور پی ٹی آئی رہنما جہانگیر ترین کے ہمراہ نمل یونیورسٹی میں دعوت افطار میں شرکت کیلئےاسلام آباد سے بذریعہ ہیلی کاپٹر لاہور آرہے تھے کہ موسم کی خرابی کے باعث اچانک ان کے ہیلی کاپٹرکا توازن ہوا کے دباؤ کی وجہ سے بگڑ گیا۔

پہلے تو پائلٹ نے اس کا رخ موڑنے کی کوشش کی لیکن بالاخر وہ ہیلی کاپٹر خیریت کے ساتھ لاہور لینڈ کرنے میں کامیاب ہوگیا۔

اس موقع پر عمران خان ان کی اہلیہ ریحام اور جہانگیر ترین نے حادثے سے بچ جانے پر خدا کا شکر ادا کیا۔

علاوہ ازیں عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ اللہ کا شکر گزار ہوں کہ اس نے میری جان بچائی ،انہوں نے کہا کہ مجھے امید ہے کہ اللہ تعالیٰ میری حفاظت کرے گا تاکہ میں نیا پاکستان بنا سکوں۔

So grateful to Allah for a safe landing of our helicopter. InshaAllah, Allah will protect me so I can build Naya Pakistan.

— Imran Khan (@ImranKhanPTI) June 29, 2015