قومی اسمبلی میں اپوزیشن لیڈر اور پیپلزپارٹی کے رہنما سید خورشید شاہ نے کہا ہے کہ عوامی مینڈیٹ والے پھانسی کے پھندے تک چل کر جاتے ہیں ، آمر اندر سے کمزور ہوتا ہے۔
اسلام آباد میں نیشنل پریس کلب میں صحافیوں سے بات چیت کے دوران اپوزیشن لیڈر سید خورشید شاہ کا کہنا تھا کہ بےنظیر بھٹو شہید کو دھمکیاں ملتی رہیں ، لیکن وہ خوفزدہ نہیں ہوئیں۔
خورشید شاہ نے پرنٹ اور الیکٹرانک میڈیا کا تقابل کرتے ہوئے کہا کہ اب کوئی اپنے بیان کی تردید نہیں کرسکتا، توانائی کا بحران سنگین مسئلہ ہے لیکن پرویز مشرف نے دس سال اقتدار میں رہنے کے باوجود اس کی طرف توجہ نہیں دی۔
