سابق صدر پرویز مشرف نے آرٹیکل سکس کے لئے بنائی گئی خصوصی عدالت کے اختیارات کوہائیکورٹ میں چیلنج کردیا۔
سابق صدر پرویز مشرف نے پیٹیشن ڈاکٹر خالد رانجھا کے ذریعے اسلام آباد ہائیکورٹ میں دائر کی ہے،درخواست میں خصوصی عدالت، سیکرٹری دفاع،اور سیکرٹری داخلہ کو فریق بنایا گیا ہے اور درخواست میں موقف اختیار کیا گیا ہے کہ تین نومبردو ہزار سات کی ایمرجنسی پرویز مشرف کا انفرادی اقدام نہیں تھا،ایمرجسنی متعلقہ افراد کی مشاورت سے لگائی گئی تھی اس لئے معاونین کے بغیر صرف پرویز مشرف کا ٹرائل نہیں کیا جاسکتا، درخواست میں کہا گیا ہے کہ حکومت کی جانب سے صرف پرویز مشرف کے خلاف آرٹیکل سکس کی کارروائی بدنیتی پر مبنی ہے،ایسا اقدام بنیادی حقوق اور انصاف کے تقاضوں کے منافی ہوگا۔
سابق صدر پرویز مشرف کے حامیوں نے مشرف کیخلاف غداری کے مقدمے میں مبینہ بے ضابطگیوں کو سامنے لانے کیلئے اقوام متحدہ اور دیگر عالمی اداروں سے رابطہ کرنے کا فیصلہ کرلیا ہے لندن میں سابق صدر پرویز مشرف کے وکلا نے اس حوالے سے پریس کانفرنس بھی کی۔