پیرس : مشرقی علاقے کے ایک سپر اسٹور میں مسلح افراد نے دو افراد کو ہلاک جبکہ پانچ افراد کو یرغمال بنا لیا ہے۔
پیرس کے مشرق میں پورت دی واں سین کے علاقے میں مسلح شخص نے کوشر مارکیٹ میں متعدد افراد کو یرغمال بنا لیا اطلا عات کے مطابق اب تک دو افراد ہلا ک اور متعدد جاں بحق ہو چکے ہیں واقعے کے بعد ہیلی کاپٹرز عمارت کے آس پاس پرواز کر رہے ہیں جبکہ درجنوں پولیس گاڑیوں نے عمارت کو گھیرے میں لیا ہوا ہے۔
پولیس دیگر قریبی عمارتوں میں موجود افراد کو محفوظ مقامات پر منتقل کر رہی ہے، حفظ ما تقدم کے پیش نظر قریبی چارلس ڈیگال ہوائی اڈے سے پروازیں معطل کر دی ہیں۔
یورپی ممالک میں فرانس وہ ملک ہے جہاں مسلمانوں کی تعداد سب سے زیادہ تقریباً پچھتر لاکھ ہے، گو کہ فرانسیسی مسلمانوں کی تنظیموں نے پیرس میں ہونے والی شدت پسندی کی واضح الفاظ میں مذمت کی ہے لیکن پے درپے ہو نیوالے دہشت گردی کے واقعات سے کئی دہائیوں سے مقیم مسلمانوں کیخلاف جذبات میں اضافہ ہو رہا ہے۔
