لندن : سماجی رابطوں کی ویب سائٹس آج کے دور میں تقریباً ہر دوسرا شخص استعمال کرتا ہے مگر ایک نئی تحقیق میں یہ بات فیس بک اکاﺅنٹ میں زیادہ دوست بنانے والوں کے دماغ کم تعلق بنانے والوں کے مقابلے میں مختلف ہوتے ہیں۔
یہ سائنسی تحقیق لندن کالج یونیورسٹی کے زیرِ تحت ہوئی ہے، جس میں معلوم ہوا ہے کہ فیس بک میں بہت زیادہ دوست بنانے والے حقیقی زندگی میں سماجی رابطوں سے گھبراتے ہیں، اس تحقیق کے مطابق یہ ویب سائٹس انسانی دماغ کے مختلف حصوں کو تبدیل کر دیتی ہیں اور وہ اپنی سماجی زندگی کے مقابلے میں فیس بک پر بالکل مختلف روئیے کے حامل بن جاتے ہیں۔
محققین کے مطابق سماجی رابطے انسانی معاشرے میں ہر جگہ موجود ہوتے ہیں، مگر اہم سوال یہ ہے کہ کیا آن لائن سماجی نیٹ ورکس پر بھی انسان اپنا حقیقی انداز اختیار کرتا ہے یا وہ مختلف رویے کا اظہار کرتا ہے۔
،تحقیق میں یہ بات سامنے آئی ہے کہ حقیقی دنیا کے دوستوں کے مقابلے میں زیادہ فیس بک فرینڈز ہونے سے انسانی دماغ کے تین شعبے جن میں چہرے کے تاثرات، چہرے اور نام یاد رکھنے وغیرہ شامل ہیں تبدیل ہو کر رہ جاتے ہیں۔
