فیصل آباد کے علاقے کھرڑے والا میں سخت سردی نے دو کم سن بچوں کی جان لے لی، محنت کش مزدور اظہر کے بچوں نے سردی کا مقابلہ کرنے کے لئے چولہا جلانے کی کوشش کی۔
چولہے سے ایسی آگ بھڑکی کہ منٹوں میں جھونپڑی کو اپنی لپیٹ میں لے لیا، آتشزدگی کے افسوسناک واقعے میں آٹھ سالہ اعجاز اوردس سالہ شہزاد جھلس کر جاں بحق ہوگئے۔
محنت کش مزدور اظہر بچوں کو بچانے کی کوشش میں بری طرح جھلس کرشدید زخمی ہوگیا، اظہر نے بتایا کہ بچوں نے خود کو سردی کی شدت سے محفوظ رکھنے کیلئے چولہا جلایا تھا۔
