بلوچستان سے لاپتہ افراد کی بازیابی کے لئے کراچی سے اسلام آباد پیدل مارچ کرنے والا قافلہ خیرپور پہنچ گیا، مارچ کے شرکاء کا کہنا تھا کہ اسلام آباد میں دھرنا دیں گے اور جب تک ہمارے پیارے بازیاب نہیں ہوں گے تب تک دھرنا جاری رہے گا۔
مارچ کےشرکاء کا کہنا تھا کہ بلوچ قوم پرامن قوم ہے اور نہ ہی بلوچ کسی کے خلاف ہیں، بلوچوں کو مجبور کرکے مزاحمت کی جانب دھکیلا جارہا ہے، اُن کا کہنا تھا کہ انہیں سندھ میں جو محبت ملی ہے، وہ اسے زندگی بھر نہیں بھلا سکتے۔
