لاہور: فیصل چوک میں تین تاجروں کو قتل کرنے والا ملزم سی آئی اے پولیس کے مبینہ مقابلے میں ہلاک ہوگیا۔
فیصل چوک کے تین تاجروں ملک شفقت، عدیل اور ظہیر کو گزشتہ روز ملازمت سے برخاست کرنے پر سیکیورٹی گارڈ غلام عباس نے قتل کردیا تھا، واقعہ کے بعد ملزم مزید تاجروں کو قتل کی دھمکیاں دے رہا تھا لیکن جب آج وہ فیصل چوک پر کار میں پہنچا تو پہلے سے وہاں موجود پولیس کو دیکھ کر فائرنگ کر دی، جوابی فائرنگ میں ملزم موقع پر ہی مارا گیا۔
ایس پی سی آئی اے عمر ورک تاجروں کے ورثاء کا کہنا ہے کہ انکے پیارے واپس تو نہیں آسکتے لیکن ملزم کے اس عبرتناک انجام پر انہیں کچھ دلی سکون پہنچا۔
ہلاک ہونے والا سیکیورٹی گارڈ دو افراد کے قتل میں پہلے ہی اشتہاری تھا اور اسکے سر کی قیمت ایک لاکھ روپے مقرر کی گئی تھی، مقامی پولیس نے اسکا ریکارڈ چیک نہ کیا جس پر ایس ایچ او اور بیٹ آفیسر کے خلاف مقدمہ درج کرکے انہیں گرفتار کرلیا گیا ہے۔
