کراچی: لیاری میں پولیس چھاپے کے دوران ہونے والے مقابلے میں گینگ وار کا اہم ملزم عقیل جتکال ہلاک ہوگیا۔
تفصیلات کے مطابق سندھ پولیس نے خفیہ اطلاع کی بنیاد پرکراچی کے قدیم علاقے لیاری میں واقع محلہ بغدادی میں چھاپہ مارا جس کے دوران گینگ وار کے انتہائی مطلوب ملزم عقیل جتکال نے مبینہ طورپرپولیس پارٹی پرفائرنگ کردی، پولیس نے جوابی فائرنگ کی جس کے نتیجے میں عقیل جتکال مارا گیا۔
ذرائع کے مطابق عقیل جتکال گینگ وار، منشیات کی فروخت اور اغواء برائے تاوان کی وارداتوں میں پولیس کو مطلوب تھا۔
پولیس نے اس کے ایک ساتھی کو بھی گرفتار کیا ہے جس کے پاس سے ایک دستی بم اورایک ٹی ٹی پستول برآمد کیا ہے جبکہ دیگر ساتھیوں کی گرفتاری کے لئے چھاپے مارے جارہے ہیں۔
