تریپولی: میں حکومت اورباغیوں کے درمیان لڑائی شدت اختیار کر گئی، تین سو سے زائد افراد لقمہ اجل بن گئے۔ کئی ممالک نے اپنے شہریوں کا انخلاء شروع کردیا۔
غیر ملکی خبر رساں ادارے کے مطابق لیبیا میں باغیوں نے حکومت کے خلاف کاروائیاں تیز کردی ہیں، گذشتہ دو ہفتوں کے دوران تین سو زائد افراد جنگ کا ایندھن بن چکے جبکہ ہزاروں بے گھر ہوچکے ہیں۔
لڑائی کے باعث لیبیا کے لئے عالمی پروازیں معطل کردی گئیں ہیں، کئی ممالک نے اپنے شہریوں کو تیونس کے راستے نکالنے کے انتظامات کئے ہیں جبکہ امریکا ، ترکی سمیت کئی مغربی ممالک نے سفارتخانے بند کرکے عملہ واپس بلا لیا ہے۔
