کراچی: چہرے پر مسکراہٹیں بکھیرنے والے مزاحیہ اداکار سکندر صنم کو دنیا سے رخصت ہوئے تین برس بیت گئے ،لیکن وہ اپنے مداحوں کے دلوں میں آج بھی زندہ ہیں۔
آنکھوں میں شرارت اور چہرے پر مسکراہٹ مزاحیہ اداکار سکندر صنم کی زندگی کا سفر بھی بھرپور تھا،وہ گلوکار تو نہ بن سکے مگر کامیڈی کنگ بن گئے۔
سکندر نے اسٹیج سے اپنی فنکا ری کا آغاز کیا اور پاکستان کے نامور کامیڈین معین اختر اور عمر شریف کے ساتھ بھی اداکاری کے جوہر دکھائے۔ سکند ر نے صرف پاکستان میں ہی نہیں بلکہ بھارت میں بھی اپنی اداکاری کا لوہا منوایا اور کامیڈی چیمیئن کہلائے۔
سکندر صنم نے بالی ووڈ فلموں کی پیروڈی کی اور اپنے چاہنے والوں کو خوب ہنسایا،دوسروں کے لبوں پر مسکراہٹ لانے والا سکندر پانچ نومبر دو ہزار بارہ کو مداحوں کو ادس چھوڑ کر دنیا سے رخصت ہوگیا۔
