کوئٹہ: وزیر داخلہ بلوچستان سرفراز بگٹی کا کہنا ہے کہ مستونگ واقعے میں را ملوث ہوسکتی ہے ، واقعے کا مقصد بلوچ پشتون اقوام کو لڑانا ہے، وزیرِاعلی عبدالمالک بلوچ نےتین روزہ سوگ کا اعلان کردیا۔
مستونگ کےافسوسناک واقعے پر میڈٰیا سے گفتگو کرتے ہوئے وزیرِداخلہ بلوچستان سرفراز بگٹی کا کہنا تھا کہ واقعہ ملک کا امن تباہ کرنے کی سازش ہے، جسے ملکر ناکام بنائیں گے۔
سرفراز بگٹی نے واقعے کو روایتی دشمن بھارت کی سازش قراردیا۔
- Advertisement -
سرفراز بگٹی کا کہنا تھا کہ مستونگ واقعہ ملک کا امن تباہ کرنے کےلیےپشتون بلوچ اقوام کولڑانے کی مذموم کوشش ہے۔
انھوں نے مزید کہا کہ شرپسندوں کے خلاف جاری آپریشن کےلئےاہلکاروں کوہیلی کاپٹر فراہم کردیے گئے ہیں، علاقےمیں اب بھی سرچ آپریشن جاری ہے، جس میں اہم کامیابی ملنے کی توقع ہے۔
