مصر: عدالت نے سابق صدرمحمد مرسی کوسرکاری رازافشا کرنے اوردوہزارگیارہ میں جیل میں قتل عام کے الزام میں سزائے موت سنادی۔
غیرملکی میڈیا کے مطابق سابق صدر کے ساتھ ایک سوپانچ دیگرافراد کو بھی سزائے موت سنائی گئی، اخوان المسلمون کے رہنما اورسابق صدرمحمد مرسی اوران کے ساتھیوں پرجیل میں قتل عام اورخفیہ سرکاری رازافشا کرنے کے الزامات تھے۔
عدالت کا فیصلہ مصرکے مفتی اعظم کو بھیجا جائے گا جبکہ حتمی فیصلہ دوجون کوسنایا جائے گا۔
امریکا نے سزاؤں پر تحفظات کا اظہار کیا ہے جبکہ ترکی کا کہنا ہے کہ اس فیصلے سے مصر میں جمہوریت خطرے میں پڑجائے گی۔
واضح رہے کہ محمد مرسی کو دوہزا تیرہ میں فوجی قیادت نے اقتدار سے معزول کردیا تھا اور اخوان المسلمون پرپابندی عائد کردی تھی۔
