اسلام آباد: موبائل سمز کی بائیو میٹرک تصدیق کا آج آخری دن ہے۔ پی ٹی اے کے مطابق آج کی ڈیڈ لائن کے بعد تصدیق کی مدت میں کوئی توسیع نہیں کی جائے گی۔
پی ٹی کی جانب سے تمام غیر تصدیق شدہ سمز رات بارہ بجے تک بند کر دی جائیں گی۔بلاک کی گئی سمز متعلقہ کمپنی سے بائیو میٹرک تصدیق کے بعد کھولی جاسکیں گی۔
اب تک سات کروڑسے زائد سمز کی بائیو میٹرک تصدیق ہوچکی ہے۔ ایک کروڑ سڑسٹھ لاکھ سمز عدم تصدیق کے باعث پہلے ہی بند کی جا چکی ہیں۔
- Advertisement -
ملک بھر میں تقریبا ساڑھے تیرہ کروڑ کے قریب سمز کام کر رہی تھیں، جن میں سے ساڑھے تین کروڑ سمز گزشتہ ایک سال میں بائیو میٹرک تصدیق کے ذریعے جاری کی گئیں۔
