بھارتی وزیر مملکت ششی تھرور کی اہلیہ کی پوسٹ مارٹم رپورٹ آج عدالت میں پیش کی جائے گی، رپورٹ کے مطابق سونندا کی موت زیادہ مقدارمیں خواب آورگولیاں کھانے سے ہوئی ہے۔
بھارت کے وزیر مملکت برائے انسانی وسائل ششی تھرور کی اہلیہ کی پراسرار موت کی تحقیقات جاری ہیں، ششی تھرور کا پاکستانی خاتون صحافی سے معاشقے کا اسکینڈل سامنے آنے کے بعد بھارتی وزیر کی اہلیہ سونندا پشکر نئی دہلی کے ایک ہوٹل میں مردہ پائی گئیں۔
ششی کی اہلیہ کی پوسٹ مارٹم رپورٹ سامنے آگئی ہے، جو آج عدالت میں پیش کی جائے گی، پوسٹ مارٹم رپورٹ کے مطابق ان کی موت خواب آور ادوایات کی زیادتی سے ہوئی، میڈیکل رپورٹ میں سونندا پشکر کے جسم سے الکوحل کے شواہد نہیں ملے۔
تاہم اس سے قبل ڈاکٹروں نے بھارتی وزیر کی اہلیہ کی موت کو غیر طبعی قرار دیا تھا، دلی پولیس کو ان کے کمرے سے خواب آور ادوایات کے پیکٹس بھی ملیں ہیں، سونندا پشکر کے شوہر اور قریبی رشتے داروں نے بیان ریکارڈ کرا دیئے، جن کے مطابق موت سے پہلے آخری رات میاں بیوی کے درمیان جھگڑا ہوا تھا۔
