اشتہار

نائن زیرو کے قریب رینجرز کی کارروائی، ایک شخص زیر حراست

اشتہار

حیرت انگیز

کراچی: ایم کیو ایم کےمرکز نائن زیرو کے قریب رینجرز نے کارروائی کرتے ہوئے سیاسی جماعت کے کارکن معظم علی کو حراست میں لے لیا۔

رینجرز نےعلی الصبح ایم کیو ایم کے مرکز نائن زیرو کے قریب ایک گھر پر چھاپہ مارا، زرائع کے مطابق کارروائی کے دوران رینجرز اہلکاروں نے معظم نامی شخص کو حراست میں لے کر تفتیش کیلئے نامعلوم مقام پر منتقل کردیا ہے، ذرائع کے مطابق حراست میں لیے گئے شخص کا تعلق سیاسی جماعت سےہے۔

دوسری جانب ایم کیو ایم رابطہ کمیٹی پاکستان اور لندن کے تمام اراکین نے متفقہ طور پر اپنے ایک بیان میں اس بات کی کھلے الفاظ میں وضاحت کی ہے کہ میڈیا پرآنے والی اطلاعات کے مطابق عزیز آباد میں بوتراب امام بارگاہ کے سامنے واقع گھر سے گرفتار کئے جانے والے دو افراد جنہیں رینجرز کی بھاری نفری کی موجودگی میں گرفتار کیاگیا ہے ان کا ایم کیوایم سے دور دور کا بھی کوئی واسطہ نہیں ہے ۔

- Advertisement -

 رابطہ کمیٹی نے کہا کہ یہ لوگ عزیز آباد میں کئی سالوں سے مقیم تھے تو ایم کیوایم کے کسی کارکن کی ذاتی طور پر تو ان سے سلام علیک ضرور ہوسکتی ہے لیکن ایم کیوایم کے ذمہ داریاکارکن کی حیثیت سے ان کا ایم کیوایم سے کبھی کوئی تعلق نہیں رہا ۔

Comments

اہم ترین

مزید خبریں