ننکانہ صاحب میں گھر کی دیوار گرنے سے چھ بچے جاں بحق ہوگئے، جاں بحق ہونے والوں میں تین کا تعلق ایک ہی خاندان سے جبکہ تین بچے مہمان تھے۔
ننکانہ صاحب کے علاقےسید والا میں محنت کش نواز دین کے گھر اچانک دیوار گرجانے سے چھ بچے جاں بحق ہوگئے، بچے دیوار کے ساتھ صحن میں کھیل رہے تھے، تمام بچوں کی عمر سات سال کے لگ بھگ تھی۔
جاں بحق ہونے والوں میں تین بچے نواز دین کے جبکہ تین بچے گھر میں آئے مہمان تھے، سید والا میں علاج معالجے کی سہولیات کے فقدان کے باعث ریسکیو میں تاخیر ہوئی اور بچے ڈی ایچ کیو اسپتال پہنچنے سے پہلے ہی دم توڑ گئے۔
