اوسلو: نوبل پرائز کی تقریب میں پاکستانی گلوکاروں نے گوروں کو بھی جھومنے پر مجبور کردیا، ملالہ کی خصوصی فرمائش پر معروف پشتو گلوکارسردار علی ٹکر کو بھی بلایا گیا تھا۔
گل مکئی کے نام سے مشہور ملالہ یوسفزئی کو امن کا نوبل پرائز دینے کی تقریب میں مشرقی موسیقی کا جادو بھی خوب سر چڑھ کر بولا، پاکستان کے معروف فنکار راحت فتح علی خان کی قوالی نے گوروں کو بھی جھومنے پر مجبور کردیا۔
- Advertisement -
تقریب میں مشرقی موسیقی کا ایسا جادو چڑھا کے سب چھومتے رہے، ستار نواز امجدعلی، امان اور ایان نے اپنے فن کا لوہا منوایا اور امن کی ایسی خوبصورت دھن راگا پیش کی۔
تقریب میں پشتو فنکارسردار علی نے بھی اپنے فن کا جادو جگایا، تقریب میں وائلن اور پیانو کی بھی شاندار پرفارمنس پیش کی گئی، مشرقی فنکاروں کی شاندار اور جاندار پرفارمنس سے حاضرین خوب محظوظ ہوئے اور جھومتے رہے۔
