واشنگٹن: واشنگٹن میں پاک امریکہ دفاعی مشاوتی گروپ کے اجلاس کا پہلا دور ختم ہوگیا ہے۔ پہلے دور میں پاکستان میں دہشت گردوں کے خلاف جاری آپریشن پر تفصیلی تبادلہ خیال کیا گیا ہے۔
ذرائع کا کہنا ہے کہ اجلاس کے دوران پاکستانی حکام نے آپریشن ضربِ عضب اور دہشتگردوں کیخلاف دیگر کارروائیوں پر تفصیلی بریفنگ دی ہے۔
سفارتی ذرائع کےمطابق پہلے دور میں پاکستانی حکام نے امریکی حکام کو پاکستانی فوج کی ضروریات کے حوالے بھی سے آگاہ کیا گیا ہے۔
اہم ذرائع کا کہنا ہے کہ اجلاس میں افغانستان میں پائیدار امن کے قیام کیلئے روڈ میپ تشکیل دیا جائے گا۔ پاک امریکہ دفاعی مشاورتی گروپ کے دو روزہ اجلاس کےاختتام پرمشترکہ اعلامیہ جاری کیا جائے گا۔
