لاہور: وزیراعلیٰ ہاؤس پنجاب کے سیکیورٹی سپروائزرکا چارج حیرت انگیز طور پرپولیس کے بینڈ ماسٹرعبدالمجید کو دے دیا گیا۔
اے آر وائی نیوز کے ذرائع کے مطابق بینڈ ماسٹر عبدالمجید کو چیف منسٹر ہاؤس پنجاب کاباقاعدہ سیکیورٹی چیف منتخب کیا گیا ہے۔
مجید کوپولیس میں خصوصی طورپربھرتی کیا گیا تھا اوروہ گزشتہ 36 سال سے اپنے فرائض انجام دے رہا تھا اور مبینہ طور پر اعلیٰ افسران کی جانب سے نظر کرم کے باعث اسے اتنے بڑے عہدے دے نوازا گیا ہے۔
- Advertisement -
عبدالمجید نے1978 میں کانسٹیبل کی حیثیت سے پولیس فورس میں شمولیت اختیار کی تھی اور 2008 میں ترقی پا کر بینڈ ماسٹرکے عہدے پرپہنچا تھا۔
موجودہ صورتحال میں اب سی ایم ہاؤس میں ایک بینڈ ماسٹرتربیت یافتہ کمانڈوز اوردیگرفورسزکے اہلکاروں کی قیادت کے فرائض انجام دے گا۔
