بورے والا: پاکستان تحریک انصاف کے چیئرمین عمران خان نے کہا ہے کہ اقتدار کے لیے میرٹ ہونا ضروری نہیں، بس نام کے آخر میں شریف لکھا ہونا ضروری ہے، تین ستمبر کو واقعی گو نواز گو ہوجائے گا۔
PTI Chief, Imran Khan says "Go Nawaz Go" will… by arynews
پنجاب کا 56فیصد بجٹ لاہور پر خرچ ہورہا ہے
بورے والا میں جلسہ عام سے خطاب کرتے ہوئے عمران خان کا کہنا تھا کہ چالیس برس قبل پاکستان آگے جارہا تھا اب پاکستان پیچھے جارہا ہے، شہباز شریف نے پورے پنجاب کا بجٹ لاہور پر لگادیا،پنجاب بجٹ کا 56 فیصد حصہ لاہور اور تین فیصد ملتان پر خرچ ہورہا ہے۔
پنجاب کے بجٹ میں دیگر شہروں کا ذکر تک نہیں
انہوں نے کہا کہ پنجاب کے بجٹ میں دیگر شہروں کا ذکر تک نہیں،راجن پور اور میانوالی پیچھے جارہے ہیں جس سے جنوبی پنجاب میں محرومی پیدا ہوری ہے۔
میرٹ جمہوریت میں ہوتی ہے بادشاہت میں نہیں
انہوں نے کہا کہ میرٹ جمہوریت میں ہوتی ہے بادشاہت میں نہیں اور شریف برادران کے اقتدار میں میرٹ نام کی کوئی چیز نہیں بس آپ کے نام کے آخرشریف ہونا ضروری ہے۔
عمران خان نے کہا کہ عائشہ نذیرپڑھی لکھی خاتون ہیں انہیں ووٹ دے کر کامیاب بنائیں، نیا پاکستان بنانے کے لیے پڑھی لکھی خواتین کو بھی آگے آنا ہوگا۔
