کراچی : ٹرانسپورٹرز نے پنجاب میں گاڑیوں کی پکڑدھکڑ سے تنگ آکر کراچی سے اندرونِ ملک مال بردارگاڑیاں نہ بھیجنے کا اعلان کردیا ہے۔
پنجاب سمیت دوسرے شہروں میں کنٹیرز کو حکومت کی جانب سے ضبط کئے جانے اور پھر اُنہیں راستے بلاک کرنے کے لئے استعمال کرنے پر ٹرانسپورٹرز نے شدید ردِعمل کا اظہار کیا ہے، ٹرانسپورٹرز نے کراچی سے اندرونِ ملک مال بردار گاڑیاں بھیجنے سے انکار کر دیا ہے۔
ٹرانسپورٹرز کا کہنا ہے کہ پنجاب میں گاڑیوں کی پکڑدھکڑ ہورہی ہے، جس کی وجہ سے گاڑیاں اندرونِ ملک نہیں بھیج سکتے، ٹرانسپورٹرز کے انکار کے بعد کراچی کی بندرگاہ پر کارگو جمع ہونے لگا ہے، حکومت پنجاب نے مال بردار گاڑیاں تحویل میں لے کر راستے بند کر رکھے ہیں، جس کی وجہ سے ٹرانسپورٹرز کو سامان مطلوبہ مقامات تک پہنچانے میں تاخیر ہورہی ہے۔
